માંડવીમાં પોલીસ દ્વારા ઉત્તરાયણને તહેવાર લઈને ખાસ સુરક્ષા અભિયાન અંતર્ગત પતંગની દોરીથી બચવા માટે મોટર સાઈકલોમાં સેફટી ગાર્ડ નાખવામાં આવી રહ્યા છે. ઉત્તરાયણના તહેવાર દરમિયાન પતંગના દોરાથી પક્ષીઓને તો ઇજાઓ થતી હોય છે. સાથોસાથ મોટર સાઈકલ ચલાવતા વાહનો માટે પણ પતંગના દોરાથી ગંભીર ઈજાઓ તેમજ અમુક કિસ્સામાં તો દોરાના કારણે ગળું કપાવાને કારણે મોત થયા હોવાની ઘટનાઓ પણ સામે આવી ચૂકી છે.
ત્યારે મોટર સાઈકલ ચાલકોને પતંગના દોરાથી નુકસાની ન થાય તે માટે માંડવી પી.આઈ સી.વાય.બારોટ તથા પોલીસની શી ટીમ દ્વારા શહેરમાં અલગ અલગ વિસ્તારમાં સેફટી ગાર્ડ લગાડવામાં આવ્યા હતા. સાથે જ લોકોને ઉત્તરાયણ દરમિયાન સાવચેતી રાખવા જરૂરી માર્ગદર્શન આપવામાં આવ્યું હતું.
