આજે વડાપ્રધાન નરેન્દ્ર મોદી ગુજરાત મુલાકાતે છે. ત્યારે વડાપ્રધાન વડોદરા ખાતે વર્ષ 2022 માં ખાતમુહૂર્ત કરાયેલા વિશેષ પ્લાન્ટનું લોકાર્પણ કરશે. વડાપ્રધાનની સાથે સ્પેનનાં વડાપ્રધાન પણ હાજર રહેશે. ભારતીય વાયુસેનાને 56 c-295 વિમાનો મળશે. જેમાંથી 40 વિમાન ભારતમાં ઉત્પાદન કરવામાં આવશે. જ્યારે 16 વિમાન સ્પેનથી મંગાવવામાં આવશે. ટાટા થકી આ વિશેષ વિમાન મેન્યુફેક્ચર કરવામાં આવનાર છે. તેમજ સમગ્ર દેશમાં ખાનગી સેક્ટર થકી આટલું મોટું મેન્યુફેક્ટર થાય તેવી પ્રથમ ઘટના છે.
2014 માં વડાપ્રધાન બન્યા બાદ મેક ઈન ઈન્ડિયાનું સૂત્ર આપ્યું હતું. જેમાં એરો સ્પેસ અને ડિફેન્સ સેક્ટરમાં સૌથી મોટું પગલું ભર્યું હતું. અગાઉ બીજા દેશો જેવા કે રશિયા, અમેરિકા અને ફ્રાન્સ પર નિર્ભર રહેવું પડતું હતું. આજે લોકાર્પણ બાદ બીજી ખાનગી કંપનીઓ સાથે પણ ભાગીદારીનાં દ્વાર ખુલશે. તેમજ લઘુ અને મધ્યમ ઉદ્યોગોને પણ ફાયદો થશે.
