નિલેશ પટેલ – બ્યૂરો ચીફ
લુણાવાડા તાલુકાના પાલ્લા(કો) પંચાયત ખાતે આઝાદીના અમૃત મહોત્સવ અંતર્ગત મેરી મિટ્ટી મેરા દેશ કાર્યક્રમ યોજાયો હતો.
જેમાં મુખ્ય મહેમાન તરીકે કોઠંબા પોલીસ મથકના પીએસઆઇ આર. કે। ભરવાડ, ઈશ્વરભાઈ પટેલ, નિલેશ પટેલ અને રિટાયર્ડ આર્મી મેન દિલીપભાઈ પગી તેમજ સ્વ. અમરાભાઇ પગી રિટાયરમેન્ટના પત્ની રસીલાબેન,સરપંચ નીતાબેન પટેલ ગ્રામજનો,શાળાના શિક્ષક ગણ, હેલ્થ વિભાગના કર્મચારી, પોલીસગણ અને હોમગાર્ડ જવાનો ઉપસ્થિત રહ્યા હતા .
આ પ્રસંગે રાષ્ટ્રના નિર્માણમાં બલિદાન આપનાર શહીદ વીરોનું સન્માન કોઠંબા પીએસઆઇ આર.કે. ભરવાડ અને જિલ્લામાંથી ઉપસ્થિત સિટી સર્વે કચેરીના અધિકારી ઇશ્વરભાઇ પટેલ દ્વારા કરવામાં આવ્યું હતું.
મેરી માટી મેરા દેશ કાર્યક્રમ અંતર્ગત કોઠંબા પાલ્લાના ગ્રામજનો દ્વારા પોતાના ઘરેથી માટી લાવી ગ્રામ પંચાયત ખાતે ઉપસ્થિત મહેમાનો અને ગ્રામજનો દ્વારા હાથમાં માટી લઈ પંચ પ્રાણ પ્રતિજ્ઞા સાથે એક કુંભ ઘડામાં એકઠી કરી હતી તેમજ શીલા ફલકમ તક્તિનું અનાવરણ પણ કરવામાં આવ્યું હતું.
