પંકજ પંડિત
ઝાલોદ તાલુકાના વેલપુરા રોડ પર હરિયાણા પાસીંગ ટ્રક HR-38-AG-3881 નંબરનુ ટ્રક પલટી ખાઈ ગયેલ છે. સાંભળવા મળેલ સૂત્રો મુજબ આ ટ્રક રાજસ્થાનના નીંબાહેડા થી સિમેન્ટ બનાવવાના પથ્થર લઈને ઝાલોદ થઈ બાલાસિનોર તરફ જઈ રહેલ હતું. ત્યારે આજરોજ 06-11-2025 ના રોજ વહેલી સવારે વેલપુરા રોડ પર ટ્રકના ટાયર ફાટી જતાં ટ્રકના ચાલકે સ્ટેરીંગ પરનો કાબુ ગુમાવી દીધેલ હતો જેને લઈ આ ટ્રક પલટી ગયેલ હોવાનું જાણવા મળેલ છે. આ ટ્રક પલટી ખાઈ જતાં લાઈટના થાંભલાને પણ નુકશાન થયેલ છે. જાણવા મળેલ સૂત્રો મુજબ આ ટ્રકમા ફક્ત એક વ્યક્તિ હતો જે ટ્રક ચલાવી રહેલ હતો જેમાં ટ્રક ચાલકનો આબાદ બચાવ થયેલ છે અને તેને શરીરે નાની મોટી ઈજાઓ થયેલ છે. સદનસીબે સવારના સમય દરમ્યાન કોઈ ટ્રાફિક ન હોવાથી મોટી જાનહાનિ અટકી હતી. ઝાલોદ પોલીસને આ અંગે માહિતી મળતા તાત્કાલિક સ્થળ પર આવી પહોંચેલ હતી.
