પંકજ પંડિત
ગુજરાત રાજ્ય બાપ પાર્ટી મહિલા અધ્યક્ષ નિલમ વસૈયા દ્વારા સ્વાગત કરાયુંઢોલ કુંડી તેમજ માથે કુમકુમ કરી ઝાલોદની ધરતી પર સ્વાગત કરાયુંદાહોદ જિલ્લામાં બાપ પાર્ટીનુ પ્રથમ વખત સ્થાપન કરવામાં આવ્યું છે તે અન્વયે દાહોદ જિલ્લામાં બાપ પાર્ટીના કાર્યાલય તેમજ ખરોડ મુકામે જન સભાને સંબોધવા માટે બાપ પાર્ટીના સંસ્થાપક રાજકુમાર રોત આવી રહેલ હતા ત્યારે ઝાલોદ મુકામે ભીલ રાજા વસૈયા ચોક ખાતે ગુજરાત રાજ્ય મહિલા અધ્યક્ષ નિલમ વસૈયા દ્વારા કુમકુમ ચાંદલો કરી સ્વાગત કરાયું હતું.
બાપ પાર્ટીના સંસ્થાપક રાજકુમાર રોત રાજસ્થાનના ડુંગરપૂર જિલ્લાના સાંસદ છે. તેમજ બાપ પાર્ટીની વિધાનસભામા પાંચ સીટો આવેલ છે તે પૈકી ચાર રાજસ્થાનમા અને એક મધ્યપ્રદેશમા છે. બાપ પાર્ટીના સંસ્થાપકનુ સ્વાગત ઢોલ કુંડી તેમજ ફટાકડા સાથે કરવામાં આવ્યું હતું. કુમકુમ ચાંદલા સાથે રાજકુમાર રોતના સ્વાગત પછી ભીલ રાજા વસૈયા ચોક ખાતે માલ્યાર્પણ કરવામાં આવ્યું હતું. ત્યારબાદ આ વિસ્તારની શોભા તેમજ પહેરવેશ એવી આદિવાસી બંડી પહેરાવી સ્વાગત કરાયું હતું. રાજકુમાર રોતને મળવા મોટા પ્રમાણમાં લોકો ઉમટી પડેલ હતા.
