પંચમહાલ જિલ્લાના ઘોઘંબા તાલુકામાં ૫ જૂન, ૨૦૨૫ના રોજ ‘વિકસિત કૃષિ સંકલ્પ અભિયાન’ હેઠળ ત્રણ ગામો—પરોલી, નાથપુરા અને સરસવામાં કૃષિ વિજ્ઞાન કેન્દ્ર (કેવીકે), દ્વારા કાર્યક્રમો યોજાયા. ડૉ. કનક લતા (વડા અને વરિષ્ઠ વૈજ્ઞાનિક) અને ડૉ. શક્તિ ખજુરિયા (ટીમ લીડર) ના માર્ગદર્શન હેઠળ આ કાર્યક્રમો ખેડૂતોને આધુનિક ખેતીની ટેકનોલોજી અને સરકારી યોજનાઓથી વાકેફ કરવા માટે યોજાયા હતા.
પરોલી ગામમાં સરપંચ શ્રી ગણપતભાઈ નાયક મુખ્ય મહેમાન તરીકે હાજર રહ્યા. પ્રગતિશીલ ખેડૂત શ્રી વિક્રમસિંહ સોલંકીએ નેચરલ ફાર્મિંગના ફાયદા શેર કર્યા. નાથપુરામાં શ્રી વિઠ્ઠલકુમાર કેશવભાઈએ બકરી પાલનની સફળતા રજૂ કરી. સરસવામાં શ્રી રતિલાલ દીપાભાઈ રાઠવાએ મરચાંના મૂલ્યવર્ધનની રસપ્રદ માહિતી આપી.
ડૉ. કનક લતાએ ગીર ગાયની જાતિના વિકાસ, સરકારી યોજનાઓ અને જમીન આરોગ્ય કાર્ડનું મહત્વ સમજાવ્યું. ડૉ. શક્તિ ખજુરિયાએ નેચરલ ફાર્મિંગ, મધમાખી પાલન, પાક ફેરબદલી અને ICTના ઉપયોગ પર માર્ગદર્શન આપ્યું. સુશ્રી રેણુએ રસોડા બગીચા અને ઉત્પાદનોના મૂલ્યવર્ધનની સરળ રીતો શીખવી.
બાગાયત વિભાગના શ્રી ચંદન પટેલિયાએ શાકભાજી, કેળા, આંબા અને ખેત સાધનો માટેની સબસિડી યોજનાઓ અને I-ખેડૂત પોર્ટલની માહિતી આપી. IFFCOના શ્રી રિત્વિક પટેલે નેનો યુરિયા અને નેનો DAPના ઉપયોગના ફાયદા સમજાવ્યા. પશુપાલન વિભાગના શ્રી જિગ્નેશકુમાર રાઠવા અને શ્રી મિતેશે રાઠવાને પશુ સંભાળની મહત્વની ટિપ્સ આપી. NGO સુમંગલમ ફાઉન્ડેશનના શ્રી પુષ્પેન્દ્ર સોલંકીએ નેચરલ ફાર્મિંગ અને હવામાન વિશે માહિતી આપી. ATMA પંચમહાલના શ્રી બિજેન્દ્રસિંહ ડી. સોલંકીએ પણ ખેડૂતોને માર્ગદર્શન આપ્યું.
આ કાર્યક્રમો ખેડૂતોને આધુનિક ખેતીની ટેકનિક અને સરકારી સહાયથી સશક્ત બનાવવા માટે સફળ રહ્યા. કૃષિ વિજ્ઞાન કેન્દ્ર પંચમહાલ ખેડૂતોના ઉજ્જવળ ભવિષ્ય માટે સતત કામ કરી રહ્યું છે.
