રાજ્યમાં સવારે 6 વાગ્યાથી લઈને સાંજે 6 વાગ્યા સુધી 103 તાલુકામાં વરસાદ વરસ્યો છે. જેમાં સૌથી વધુ વડોદરામાં 3.75 ઈંચ વરસાદ નોંધાયો. તો પાદરામાં 3 ઈંચ અને ડેડિયાપાડા અને ગીર ગઢડામાં 2-2 ઈંચ વરસાદ વરસ્યો. ઉનામાં 1.75 ઈંચ, ભિલોડા અને બરવાળામાં 1.5-1.5 ઈંચ વરસાદ વરસ્યો.. તો તાલાળા, ધોલેરા, સતલાસણામાં 1.25-1.25 ઈંચ વરસાદ નોંધાયો.. તો વડાલી, નડિયાદ અને આંકલાવમાં 1-1 ઈંચ વરસાદ નોંધાયો છે
વડોદરામાં ધોધમાર વરસાદ ખાબક્યો છે. આજવા રોડ, વાઘોડિયા રોડ સહિતની સોસાયટીઓમાં પાણી ભરાયા છે. સતત વરસાદથી વિશ્વામિત્રી નદીનું જળસ્તર વધ્યું છે. વિશ્વામિત્રી નદી 18 ફૂટના લેવલે પહોંચી છે. અલકાપુરી ગરનાળુ પાણી ભરાવાને કારણે બંધ કરાયું છે.
