અબજોપતિ એલોન મસ્ક પાસે એટલી સંપત્તિ છે કે તે ગમે તેટલા બંગલા બનાવી શકે છે કે મહેલ ખરીદી શકે છે, પરંતુ તમને જાણીને નવાઈ લાગશે કે દુનિયાનો સૌથી ધનિક વ્યક્તિ ભાડાના મકાનમાં રહે છે.
1. અબજોપતિ એલોન મસ્ક પાસે આટલી સંપત્તિ
જ્યારે પણ દુનિયાના સૌથી ધનિક વ્યક્તિની ચર્ચા થાય છે ત્યારે ઈલોન મસ્કનું નામ આપોઆપ આવી જાય છે. 252.5 બિલિયન ડૉલર એટલે કે 2,11,93,27,18,75,000 રૂપિયાની સંપત્તિના માલિક ઇલોન મસ્ક ભલે સંપત્તિના રાજા હોય, પરંતુ તેની જીવનશૈલી જોઈને તમે દંગ રહી જશો. અબજોપતિ એલોન મસ્ક પાસે એટલી સંપત્તિ છે કે તે ગમે તેટલા બંગલા બનાવી શકે છે અથવા મહેલ ખરીદી શકે છે, પરંતુ તમને જાણીને નવાઈ લાગશે કે દુનિયાનો સૌથી ધનિક વ્યક્તિ ભાડાના મકાનમાં રહે છે.
2. એલન મસ્ક રહે છે ક્યાં?
ટેસ્લા, ટ્વિટર (હવે X) અને સ્પેસએક્સ જેવી કંપનીઓના માલિક અને વિશ્વના સૌથી ધનિક ઉદ્યોગપતિ એલન મસ્ક ન તો કોઈ બંગલામાં રહે છે કે ન તો કોઈ મહેલમાં. મસ્ક જ્યાં રહે છે તે ઘરની તસવીર હવે સામે આવી છે. ઘરની તસવીરો જોઈને લોકો દંગ રહી ગયા. બે રૂમના મકાનમાં રહેતા મસ્કના ઘરની તસવીરો જોઈને તમે અંદાજ નહીં લગાવી શકો કે દુનિયાનો સૌથી ધનિક વ્યક્તિ ત્યાં રહે છે. 50 હજાર ડોલરની કિંમતનું બે બેડરૂમનું ઘર મસ્કનું રહેઠાણ છે. એલોન મસ્કની બાયોગ્રાફી લખનાર લેખક વોલ્ટર ઈસાકસને તે ઘરની કેટલીક તસવીરો સોશિયલ મીડિયા સાઈટ X પર શેર કરી હતી.
૩. અમીર પણ સાદગીથી જીવન
એલોન મસ્ક ભલે અમીર હોય, પરંતુ તે સાદગીથી જીવે છે, વર્ષ 2022માં તેણે કહ્યું કે તેની પાસે કોઈ ઘર નથી. તે પહેલા મિત્રો સાથે એક મકાનમાં રહેતો હતો, પછી ભાડે મકાન લીધું હતું. એલોન મસ્કની માતા મે મસ્કએ પણ ખુલાસો કર્યો હતો કે તે મસ્કના ઘરમાં ફ્લોર પર પથરાયેલા ગાદલા પર સૂવે છે. મસ્કની માતા મે મસ્ક સુપરમોડેલ અને ડાયેટિશિયન છે. તેણે એક ઈન્ટરવ્યુમાં જણાવ્યું હતું કે તેના પુત્રની સંપત્તિનો અર્થ એ નથી કે મહેમાનોને પણ વૈભવી રહેણીકરણી મળે. તેણે કહ્યું કે ક્યારેક મારે પણ ગેરેજમાં તો ક્યારેક ફ્લોર પર ગાદલા પર સૂવું પડે છે.
