દાહોદ નગરપાલિકાના સફાઈ કામદારો ની તેમની માંગણીઓને લઈને છેલ્લા ઘણા સામેથી ચાલી રહેલી હડતાલનો આજે સુખદ અંત આવ્યો.છેલ્લા ઘણા સમયથી દાહોદ નગરપાલિકાના સફાઈ કામદારો તેમની હકની માંગણીઓને લઈને નગરપાલિકા સામે વિરોધ પ્રદર્શન અને હડતાલમાં જોડાયા હતા જેમાં આજે સવારથી અખિલ ભારતીય મજદૂર સંઘ અને વાલ્મિકી સમાજ ગુજરાત સંગઠનના અધ્યક્ષ કાર્યકર્તાઓ અને નગરપાલિકા અધ્યક્ષ, નગરપાલિકા ઉપપ્રમુખ નગરપાલિકાના હોદ્દેદારો વચ્ચે બપોરથી બેઠકોનો દોર ચાલી રહ્યો હતો જેમાં નગરપાલિકા અધ્યક્ષ દ્વારા એમની ૬ જેટલી માંગો નું સંતોષકારક રીતે સ્વીકાર કરવામાં આવી છે અને તેમને આશ્વસન આપવામાં આવ્યું છે કે બાકીની માંગણીઓ પર વિચાર વિમર્શ કરીને સંતોષકારક રીતે બધાના સાથ સહકાર થી સ્વીકારવામાં આવશે લાંબા સમયથી પોતાના હકની માંગણીઓ ને સ્વીકારી લેતા સફાઈ કામદારો માં ખુશીની લહેર વ્યાપી હતી, અખિલ ભારતીય મજદુર સંઘ અને વાલ્મિકી સમાજ ગુજરાત સંગઠનના કાર્યકર્તાઓ તથા દાહોદના મજદૂર કામદાર ભાઈઓએ દાહોદ નગરપાલિકા અધ્યક્ષ, ઉપપ્રમુખ અને હોદ્દેદારોએ એકબીજાને મીઠાઈ ખવડાવીને પોતાની ખુશી વ્યક્ત કરી, આમ લાંબા સમયથી ચાલી રહી સફાઈ કામદારોની હડતાલનો સુખદ અંત આવ્યો
