પંકજ પંડિત
ઝાલોદ નગર શ્રી રામમય બન્યુંજય શ્રી રામના જયઘોષ સાથે આંતરરાજ્ય સુંદરકાંડ સ્પર્ધાનો ભવ્ય દિવ્ય મહોત્સવબાઇક રેલી, જ્યોત યાત્રા, સંતસંગ અને રાત્રિભર ચાલેલી અવિસ્મરણીય ભક્તિમય સ્પર્ધાસનાતન હિન્દુ ધર્મની પરંપરા, એકતા અને શ્રી રામભક્તિના દિવ્ય સંદેશને જનજન સુધી પહોંચાડવાના શુભ હેતુસર ઝાલોદ નગરમાં તા. ૨૦-૧૨-૨૦૨૫, શનિવારના રોજ ભવ્યાતિભવ્ય આંતરરાજ્ય સુંદરકાંડ સ્પર્ધાનું ઐતિહાસિક આયોજન કરવામાં આવ્યું હતું. સમગ્ર નગરમાં આ આયોજનને લઈને રામનામ, ભક્તિ, શ્રદ્ધા અને ઉત્સાહનો અદભૂત સંગમ જોવા મળ્યો હતો.સવારે જય શ્રી રામના જયઘોષ સાથે ભવ્ય બાઇક રેલીઆ ધાર્મિક મહોત્સવની શરૂઆત સવારે ૧૧:૦૦ વાગ્યે હિન્દુ એકતા જાગૃત કરવા માટે યોજાયેલી ભવ્ય બાઇક રેલીથી કરવામાં આવી હતી. મહિલાઓ અને પુરુષોની વિશાળ ભાગીદારી સાથે જય શ્રી રામના ગગનભેદી જયઘોષ વચ્ચે યોજાયેલી આ રેલી સમગ્ર નગરમાં ફરી, નગરજનોમાં ધર્મભાવના અને એકતાનો સંદેશ પ્રસરી ગયો હતો. ઝાલોદ નગરમાં આ રેલી લોકઆકર્ષણનું કેન્દ્ર બની હતી.સાંજે ભવ્ય જ્યોત યાત્રા અને સંત યાત્રાથી નગર ભક્તિમયસાંજે ૭:૦૦ વાગ્યે વિશ્વકર્મા મંદિરથી વણકતલાઈ હનુમાનજી મંદિર સુધી હનુમાનજીની પવિત્ર જ્યોત સાથે ભવ્ય જ્યોત યાત્રા અને સંત યાત્રાનું આયોજન કરવામાં આવ્યું હતું. લહેરાતી રામનામની ધ્વજાઓ અને રામનામ સાથે યોજાયેલી આ યાત્રાએ સમગ્ર નગરને દિવ્ય તેજસ્વી માહોલમાં પરિવર્તિત કરી દીધું હતું.આ યાત્રામાં વિશેષરૂપે ઝાલોદના ધારાસભ્ય શ્રી મહેશ ભૂરીયાજી ઉપસ્થિત સંતો સાથે જોડાયા હતા, જેના કારણે યાત્રાનું ગૌરવ અનેક ગણું વધ્યું હતું.
દીપ પ્રજ્વલન સાથે સુંદરકાંડ સ્પર્ધાનો ભવ્ય શુભારંભ
સંતોના આશીર્વાદ અને ધારાસભ્યશ્રીના કરકમલથી દીપ પ્રજ્વલન કરી રાત્રે ૮:૩૦ વાગ્યે સુંદરકાંડ સ્પર્ધાનો શુભારંભ કરવામાં આવ્યો હતો. ઉપસ્થિત સંતો, ધારાસભ્ય અને આમંત્રિત મહેમાનોનું શ્રી રામ નામની શાલ, દુપટ્ટા તથા શાલ ઓઢાડી ભવ્ય સન્માન કરવામાં આવ્યું હતું.સાત ટીમોની ભક્તિમય પ્રસ્તુતિ– રામભક્તિનો અદભૂત સંગમ
આ સુંદરકાંડ સ્પર્ધામાં વિશેષ પ્રસ્તુતિ સાથે કુલ ૭ ટીમો દ્વારા અલગ અલગ ભજનો અને તાલબદ્ધ પાઠન સાથે સુંદરકાંડનું ભાવપૂર્ણ ગાન કરવામાં આવ્યું. રામાયણના પ્રસંગો, સંગીતમય સ્વર અને ભાવવિભોર કરતી રજૂઆતથી શ્રોતાઓ તલ્લીન બની ગયા હતા. સમગ્ર વાતાવરણ રામમય બની ગયું હતું.આગ્રાની મશહૂર ઝાંખી – સાક્ષાત દેવી-દેવતાઓના દિવ્ય દર્શનઆજના કાર્યક્રમમાં વિશેષ આકર્ષણરૂપે આગ્રાની મશહૂર “પપ્પન એન્ડ ગ્રુપ” દ્વારા દેવતાઓના વિવિધ સ્વરૂપોની નયનરમ્ય ઝાંખી રજૂ કરવામાં આવી હતી. ઝાંખી જોઈને ભક્તો ભાવવિભોર થઈ ગયા હતા. સાક્ષાત દેવી-દેવતાઓ દર્શન આપવા પધાર્યા હોય તેવી અનુભૂતિ સૌએ કરી હતી.આંતરરાજ્ય સુંદરકાંડ સ્પર્ધાના વિજેતાઓઆ આંતરરાજ્ય સ્પર્ધામાં કુલ ૬ ટીમો વચ્ચે કઠિન સ્પર્ધા યોજાઈ હતી. પરિણામ નીચે મુજબ રહ્યું:પ્રથમ ઇનામ:
રાઘવ દાસ માનસ મંડળ (વારાણસી–ભદોઈ, ઉત્તરપ્રદેશ) – ₹૨૫,૦૦૦બીજું ઇનામ:સાકેત રામાયણ મંડળ (ભીલવાડા, રાજસ્થાન) – ₹૨૦,૦૦૦
ત્રીજું ઇનામ:કપિરાજ સુંદરકાંડ મંડળ (લીમખેડા, ગુજરાત) – ₹૧૫,૦૦૦આશ્વાસન ઇનામ:
રામભક્ત હનુમાન મંડળ (ઇન્દોર)
વક્રાંગી મિત્ર મંડળ (રાજસમંદ, રાજસ્થાન) – ₹૮,૦૦૦
ખેડાપતિ સુંદરકાંડ મંડળ (શાજાપુર, મધ્યપ્રદેશ)
આ તમામ ઇનામો 1008 શ્રી દયારામદાસજી બાપુ (દાડકી વાલે બાબા, પીપલખૂંટા, મ.પ્ર.) તથા શ્રી સ્વામી ચિરંજીવી રામનારાયણજી (દેવભૂમી, ગંગોત્રી, ઉત્તરાખંડ) ના પાવન હસ્તે અયોધ્યાના શ્રી રામ દરબારની છબી સાથે અર્પણ કરવામાં આવ્યા હતા.વસંત મસાલા તરફથી ભેટ – ઝાલોદનું ગૌરવઉપસ્થિત સંતો તથા તમામ ટીમોને ઝાલોદનું ગૌરવ “વસંત મસાલા” તરફથી આકર્ષક મસાલા કીટ ભેટરૂપે આપવામાં આવી હતી.લાઈવ કવરેજ અને આભારવિધિઆ સમગ્ર ધાર્મિક મહોત્સવનું લાઈવ કવરેજ “ધર્મદૃષ્ટિ” યુટ્યુબ ચેનલ પર કરવામાં આવ્યું હતું.
કાર્યક્રમને સફળ બનાવવા બદલ અંતમાં સાંસદ શ્રી જશવંતસિંહ ભાભોર, ધારાસભ્ય મહેશ ભૂરીયા, વસંત મસાલા, નાથુભાઈ અગ્રવાલ, પંકજ અગ્રવાલ, રવિ ચૌધરી, ચા-નાસ્તાની સેવા આપનાર યુવા ગ્રુપ તથા નગરના તમામ દાતાઓ અને ભાવિક ભક્તોનો આયોજકો દ્વારા હૃદયપૂર્વક આભાર માનવામાં આવ્યો હતો.રાત્રિભર ચાલેલી અવિસ્મરણીય રામભક્તિઝાલોદ નગરમાં આ સુંદરકાંડ સ્પર્ધા જોવા માટે સનાતન હિન્દુ સમાજના હજારો ભાવિક ભક્તો ઉપસ્થિત રહ્યા હતા. રાત્રે ૮ વાગ્યાથી સવારના ૫ વાગ્યા સુધી ચાલેલી આ ભક્તિમય સુંદરકાંડ સ્પર્ધા ઝાલોદના ઇતિહાસમાં એક અવિસ્મરણીય ધાર્મિક મહોત્સવ બની રહી હતી.
