પંકજ પંડિત
દાહોદ જિલ્લાના ઝાલોદ તાલુકાના કંબોઈ ગામે વહેલી સવારે ખેડૂતો પોતાના ખેતરોમાં કામ કરતા હતા તે સમયે અચાનક ભૂંડ આવી જતાં ખેડૂતોમાં અફરાતફરીનો વાતાવરણ સર્જાયો હતો. આ અચાનક કરાયેલ ભૂંડના હુમલામા 6 લોકો ઈજાગ્રસ્ત થયા. ખેતરમાં કામ કરતા 6 લોકો ઈજાગ્રસ્ત થતા તાત્કાલીક સારવાર અર્થે દાહોદ ઝાયડસ હોસ્પિટલ ખાતે ખસેડવામાં આવ્યા હતા.
પોતાના ખેતરમાં કામ કરનાર ખેડૂતોમાં 6 ખેડૂતોમાંથી 2 ખેડૂતોને ગંભીર ઇજા પહોંચી જ્યારે અન્ય 4ને સામાન્ય નાની મોટી ઈજા પહોંચી. 6 વ્યક્તિ સહિત ખેતરમાં ઉભેલા 3 પાલતુ પશુઓ પર પણ ભૂંડે હુમલો કર્યો. ભૂંડના ત્રાસથી ગ્રામજનોમાં ભયનો માહોલ સર્જાયો. સમગ્ર બનાવની જાણ વન વિભાગને કરાતા વન વિભાગ દ્વારા પણ કાર્યવાહી હાથ ધરવામાં આવી.
