પંકજ પંડિત
ઝાલોદ નગરમાં એસ.ટી ડેપો દ્વારા વધતી ગરમીને લઈને આવતા જતા મુસાફરો માટે હિટ વેવ થી બચવા માટે 8-9-10 તારીખના રોજ ઓ.આર.એસ અને છાશનો કાર્યક્રમ રાખવામાં આવ્યો હતો. હાલ નગરમાં આકરો ઉનાળો ચાલી રહેલ છે અને આવા ઉનાળામાં મુસાફરો કામ અર્થે એસ.ટી બસ દ્વારા નિત્ય અવરજવર કરતા હોય છે. ત્યારે આવા આકરા ઉનાળામાં ગરમીમાં રાહત આપવા માટે ઝાલોદ ડેપો મેનેજર નિલેશ મુનિયા દ્વારા મુસાફરો માટે ફ્રી ઠંડી છાશ અને ઓ.આર.એસ મુસાફરોને આપવામાં આવ્યું હતું. આ કાર્યમાં સમગ્ર એસ.ટી ડેપોમા ફરજ બજાવતા તમામ લોકોએ ખડે પગે સેવા આપી હતી. ગરમીના સમયમાં આવી સુંદર સેવાનો લાભ લેતા મુસાફરોના ચહેરા પર પણ અનેરો આનંદ જોવા મળતો હતો તેમજ ઝાલોદ ડેપોના આ સુંદર કાર્યને સહુ મુસાફરો દ્વારા સરહાના કરવામાં આવી હતી.
