બ્યુરો ચીફ કેતન ભટ્ટ
દાહોદ:- જિલ્લા પંચાયત દાહોદ ખાતે ૧૫માં નાણાપંચ અંતર્ગત જિલ્લા કક્ષાની ૧૦% ગ્રાન્ટ વર્ષ ૨૦૨૨-૨૩ માંથી પંચાયત અને કૃષિ મંત્રી બચુભાઈ ખાબડના અને જિલ્લા પંચાયત પ્રમુખ કરણસિંહ ડામોર સહિત જિલ્લા પંચાયત ના સભ્યો દ્વારા વિવિધ સાધનનું સહાયનું દેવગઢબારિયા ખાતેથી વિતરણ કરવામાં આવ્યું દેવગઢ બારિયા તાલુકાના કુલ ૧૩ જેટલા ગામોમાં પાણીના ટેન્કરોનું વિતરણ કરવામાં આવ્યું.
ઉલેખનીય છે કે ૧૫ મુ નાણાપંચ ૧૦% જિલ્લા કક્ષા ગ્રાન્ટ વર્ષ ૨૦૨૨-૨૩ અન્વયે દાહોદ જિલ્લાના જુદા જુદા તાલુકાના ગામોમાં ૧૩૫ પાણીના ટેન્કરોના કુલ ૧૬૮.૭૫ લાખના કામ મંજૂર થયા છે. જેના ભાગરૂપે આજે દેવગઢ બારિયા તાલુકાના ૧૩ જેટલા ગામોમાં પાણીના ટેન્કરોનું પંચાયત અને કૃષિ મંત્રી બચુભાઈ ખાબડ અને જિલ્લા પંચાયતના પ્રમુખ કરણસિંહ ડામોર એ લીલી ઝંડી આપી વાહનોનું વિતરણ કરવામાં આવ્યું હતું
આ પ્રસંગે જિલ્લા પંચાયતના ઉપપ્રમુખ અરવિંદાબેન ,સહિત જિલ્લા પંચાયતના સભ્ય ઓ ,તાલુકા પંચાયતના સભ્ય ઓ અને લાભાર્થીઓ ઉપસ્થિત રહયા હતા.
