સંકેત પંડ્યા – જર્નાલિસ્ટ
આજરોજ વન્ય સપ્તાહની ઉજવણીના ભાગરૂપે વન વિભાગ મોરવા (હ) તેમજ વન વિભાગ કાલોલ દ્વારા વન્યપ્રાણી સપ્તાહ – ૨૦૨૩ અંતર્ગત શાળાઓમાં કાર્યક્રમનું આયોજન કરવામાં આવેલ હતું.
આ કાર્યક્રમમાં મોરવા (હ) વન વિભાગના RFO શ્રી પી.ડી દેસાઈ તેમજ તેમના સ્ટાફ દ્વારા વન્ય પ્રાણીઓ વિશે સમજણ આપવામાં આવી હતી જાં ૩૫ વિધ્યાર્થીઓએ ભાગ લીધો હતો. વિધ્યાર્થીનીઓ દ્વારા નિબંધ સ્પર્ધામાં ખુબજ સારૂ પ્રદર્શન કરવામાં આવેલ હતુ. ઉતમ પ્રદર્શન કરનાર વિધ્યાર્થીનીઓને ૧ થી ૩ ક્રમ આપવામાં આવેલ હતા.
જેમાં પ્રથમ સ્થાન-પટેલ ભાવિકાબેન વિનોદભાઇ દ્વિતીય સ્થાન-પટેલ પ્રિયંકાબેન બુઘાભાઇ તથા તૃતીય સ્થાન – બારીઆ રવિનાબેન નરેશભાઇ પ્રાપ્ત કરેલ, વિજેતાઓને પ્રોત્સાહન ઇનામ આપવામાં આવેલ છે.
જ્યારે કાલોલ વન વિભાગના સ્ટાફ દ્વારા વન્યજીવોને કેવી રીતના બચાવવા અને રક્ષણ કરવું અને વન્ય પ્રાણીઓ દ્વારા જો કોઈ નુકશાન થાય તો સરકાર દ્વારા આપવામાં આવતી વળતર વિશે પણ સવિશેષ માર્ગદર્શન આપવામાં આવેલ હતું.
આ કાર્યક્રમમાં શાળાના બાળકો તેમજ મોટી સંખ્યામાં ગ્રામજનો તથા પંચાયતના સરપંચ ગામના વડીલો પણ ઉપસ્થિત રહ્યા હતા.આમ વન્ય પ્રાણી સપ્તાહ ઉજવણીના ભાગરૂપે RFO શ્રી વાય.વી પૂવાર, ફોરેસ્ટર વિભાગના કર્મચારીઓ દ્રારા વન્ય પ્રાણીઓ વિશે સવિશેષ માર્ગદર્શન આપવામાં આવેલ હતું.
