સંકેત પંડ્યા – એડિટર
નાયબ પોલીસ મહાનિરીક્ષકશ્રી આર.વી.અસારી, પંચમહાલ રેન્જ ગોધરા તથા પોલીસ અધિક્ષકશ્રી હીમાંશું સોલંકી નાઓએ પંચમહાલ જીલ્લામાં રક્ષાબંધનના તહેવારની હર્ષભેર ઉજવણી કરવા જરૂરી સુચના અને માર્ગદર્શન આપ્યુ હતુ. જે અંતર્ગત મહિલા પોલીસ સ્ટેશન ગોધરા પોલીસ ઇન્સ્પેકટર શ્રીમતી એસ.બી.બુટીયાના સુચન પ્રમાણે જીલ્લાના તમામ પો.સ્ટે.માં સી- ટીમમાં કામગીરી કરતા અધિકારી તથા મહિલા કર્મચારીનાઓએ ભાઈ બહેનના પાવન પર્વ રક્ષાબંધનના તહેવારની સિનિયર સિટિઝન વ્યક્તિઓને જમણા હાથે રાખડી બાંધી રક્ષાબંધન પર્વની ધામધુમથી ઉજવણી કરી હતી.
કહેવાય છે કે પંચમહાલ જીલ્લાના કુલ- ૧૫ પોલીસ સ્ટેશનમાં સી- ટીમ કાર્યરત છે અને તે ૨૪ કલાક મહિલાઓ, બાળકો અને સિનિયર સિટિઝન વ્યક્તિઓને મદદરૂપ બને છે અને તેથીજ ભાઈ-બહેનના પવિત્ર પ્રેમને ઉજાગર કરતા આજના આ પર્વને યાદગાર બનાવવા માટે મહિલા સી – ટીમે પંચમહાલ જીલ્લાના વિવિધ વિસ્તારમાં રહેતા કુલ – ૧૬૨ સિનિયર સિટિઝન તથા વૃધ્ધાશ્રમની મુલાકાત લઇ તેઓને રાખડી બાંધી, મીઠાઇ ખવડાવી જીવન જરૂરીયાતની ચીજ વસ્તુઓ આપી તેઓને મદદરૂપ થઇ માનવતાનુ ઉત્તમ ઉદાહરણ પુરુ પાડ્યુ હતુ.
વધુમાં દિવસ રાત પોતાના પરિવારની સાથે સાથે મહિલા પોલિસ પોતાની ફરજ પર હાજર રહી લોકોની સમસ્યાઓને દુર કરવા તત્પર રહે છે અને સી- ટીમની કામગીરી અંગે માહિતગાર કરવામાં આવે છે. આ હ્રદય સ્પર્શી દ્રશ્ય જોઈ સ્થળ ઉપર ઉપસ્થિત સૌ કોઈ લોકોએ પોલિસની આ કામગીરીને વખાણી હતી.
