પંકજ પંડિત
ઝાલોદ નગરના દાહોદ રોડ પર સુંદરમ હોસ્પિટલની બાજુમાં આવેલી જમીનમાં જમીન માલિક દ્વારા બાંધકામની મંજૂરી પ્રમાણેનું બાંધકામ ન કરવામાં આવતા નગરપાલિકા દ્વારા આ મિલકતને શીલ મારી નોટિસ ચિપકાવવામા આવેલ છે.ઝાલોદ સુંદરમ હોસ્પિટલની બાજુમાં જમીન માલિક દ્વારા મંજુરીના નિયમોનુ ઉલ્લંઘન કરી મનસ્વી રીતે કૉમન પાર્કિંગના એરીયામા દુકાનોનુ બાંધકામ કરેલ છે. આ મામલે ઝાલોદ નગરપાલિકાના ચીફ ઓફિસર દ્વારા આ મિલ્કત માલિકને નોટિસ ફટકારી નિયમ મુજબ કામગીરી કરવા સૂચન કરેલ હતું. નગરપાલિકા દ્વારા ફટકારેલી નોટિસનો ત્રણ દિવસમાં જવાબ આપવા માટેની મહેતલ મિલ્કતના માલિકને આપેલ હતી પરંતુ મિલકત માલિક દ્વારા આ અંગે કોઇ લેખિત ખુલાસો કરવામાં ન આવતા નગરપાલિકા દ્વારા આ મિલકત ને શીલ મારી નોટિસ ચોંટાડી દેવામાં આવેલ છે. હવે જોવાનું રહ્યું મિલકત માલિક મંજૂરી વગરનું બાંધકામ જાતે હટાવી દેશે કે પાલિકા પોતાનું બુલડોઝર ફેરવી આ મંજૂરી વગરના કામને તોડી પાડશે.ઝાલોદ નગરપાલિકા દ્વારા કરવામાં આવેલ આ સુંદર કામગીરીની ચો તરફ પ્રસંશા થઈ રહેલ છે તેમજ અમુક ગેરકાયદેસર રીતે બાંધકામ કરનારા લોકોમાં ફફડાટ પણ વ્યાપેલ જોવા મળેલ છે. નગરજનો એવી વાતો પણ કરતા જોવા મળેલ છે કે પાલિકા નગરમાં હવે ગેરકાયદેસર રીતે થયેલ દબાણો ને લઈ ગંભીર જોવા મળી રહેલ છે હવે જોવાનું રહ્યું પાલિકા નગરના મંજૂરી વગરના દબાણો હટાવશે કે મૌન ધારણ કરીને બેસી જશે.
