પ્રાપ્ત માહિતી પ્રમણે ગુજરાતના વલસાડ નજીક હમસફર સુપર ફાસ્ટ ટ્રેનમાં જનરેટર કોચમાં આગ લાગવાની ઘટના સામે આવી છે. આગના વિકરાળ સ્વરુપથી બાજુના ડબ્બામાં પણ આગ પ્રસરી ગઇ હોવાની માહિતી છે. આગ લાગવાની ઘટના બનતા રેલવે અધિકારીઓ તાત્કાલિક સ્થળ પર પહોંચી ગયા હતા અને લાઈન બંધ કરીને અન્ય ટ્રેનોને અટકાવવામાં આવી હતી.
વલસાડના છીપવાડમાં ટ્રેનના જનરેટરમાં આગ લાગવાની ઘટના સામે આવી છે. ભીષણ આગ લાગતા ટ્રેનના તમામ મુસાફરોને બહાર કાઢવામાં આવ્યા છે. આ દુર્ઘટના ટાણે તમામ યાત્રીઓ સુરક્ષિત હોવાનું સુત્રો જણાવી રહ્યા છે.
