વડોદરા જિલ્લાની ખાણ ખનીજ વિભાગની ટીમે મોટી કાર્યવાહી કરી છે. વડોદરા જિલ્લાના કોટના ખાતેથી બાતમી ના આધારે છાપો મારતા મહી નદી પાસેથી ગેરકાયદેસર રેતીનું ખોદકામ કરી રહેલા રણછોડભાઈ ગબાભાઈ ગોહિલને રંગેહાથ પકડી પાડ્યા હતા.
જેઓ પાસેથી સ્થળ ઉપર એક ટાટા કંપનીનું એસ્કેવેટર મશીન, 2 ડમ્પર અને 1 યાંત્રિક નાવડી એમ મળી કુલ અંદાજે 80 લાખનો મુદ્દા માલ સીઝ કરવામાં આવેલ છે.
રેતીનું ખનન કરી રહેલા રણછોડભાઈ ગબાભાઈ ગોહિલ સામે કાયદેસરની કાર્યવાહી કરવામાં આવી છે. વડોદરા જિલ્લામાં દિન પ્રતિદિન વધી રહેલા ગેરકાયદે ખનન સામે ખાણ ખનીજ વિભાગની ટીમ સતત કાર્યરત છે. આ કાર્યવાહીથી ખનીજ માફિયાઓમાં ફફડાટ ફેલાયો છે.
