પંકજ પંડિત
ઝાલોદ તાલુકાના મહુડી ગામના સ્ટેશન ફળિયામાં રહેતા અંદાજીત આઠ થી દસ વર્ષનો પ્રિન્સ મહેશ ગરાસિયા ઘરે થી બહાર ગયેલ હતો. લાંબો સમય થઈ ગયા બાદ પણ પ્રિન્સ ઘરે ન આવતા પરિવારજનો ચિંતાગ્રસ્ત બનેલ હતા અને આજુબાજુના વિસ્તારમાં બાળકની શોધખોળ આદરી હતી ત્યારે ગામના એક વ્યક્તિ દ્વારા માહિતી મળેલ હતી કે ઢેફાં તળાઈ ફળિયામા જ્યાં તેઓનું ખેતર આવેલ છે જે તેઓના ઘરે થી અંદાજીત 500 મીટર દૂર છે ત્યાં કૂવા પાસે કપડા પડેલ હતા ત્યાં જઈ પરિવારજનો એ જોતાં તેમના બાળક પ્રિન્સના કપડા હોવાનું જાણવા મળેલ હતું. આ કૂવાની આજુબાજુ કોઈ વાડ કરેલ નથી તેવું પણ જાણવા મળેલ છે. આ કૂવામાં બાળક ન્હાવા ઉતર્યો હતો કે શું તે તપાસનો વિષય છે આ કૂવા માથી પ્રિન્સ મૃત હાલતમાં મળતા તાત્કાલિક પોલીસ સ્ટેશનમા સંપર્ક કરવામાં આવેલ હતો. મૃતક બાળકને પી.એમ માટે સરકારી હોસ્પિટલમાં લાવવામાં આવેલ હતો. બાળકનુ મરણ કેવી રીતે થયું તે સંદર્ભે આગળની તપાસ પોલીસ દ્વારા હાથ ધરવામાં આવેલ છે.
