પંકજ પંડિત
ઝાલોદ પોલીસ સિંઘમની ભૂમિકામા જોવા મળી રહેલ છે અને બુટલેગરોને સંદેશો આપી રહેલ છે જો અહીંયા થી ગેરકાયદેસર રીતે વિદેશી દારૂની જો ઘુસણખોરી કરાવવામાં આવશે તો તેની ખેર નથી તેવા સ્પષ્ટ સંદેશ સાથે આ મહિનામાં ત્રીજો કેસ વિદેશી દારૂની ઘૂસણખોરીનો ઝડપી પાડયો છે.બુટલેગરો યેનકેન પ્રકારે ગુજરાતમા દારૂ ઘુસાડવાનો પ્રયાસ કરી રહેલ છે તેમજ બુટલેગરો નવા નવા કીમિયા અજમાવી વિદેશી દારૂ ઘુસાડી નફાખોરી કરવાની ફીરાકમા છે. ઝાલોદ નગરની ઘાવડીયા ચેક પોસ્ટ પર પી.આઈ રવિ ગામીત તેમજ પી.એસ.આઇ સી.કે.સીસોદીયા પોલિસ સ્ટાફને સાથે રાખી શંકાસ્પદ લાગતા વાહન ચેકીંગ કરી રહેલ હતા. તેવામાં મહિન્દ્રા કંપનીનુ પીકઅપ વાહન MP-14-GC-1251 મોનાડુંગર તરફ થી આવી રહેલ હતું. પોલિસ દ્વારા દૂરથી ઇસારો કરી વાહન રોકવા ઇસારો કરતા વાહન ચાલક દૂર વાહન ઉભું રાખી ખેતરોમા નાસી છૂટેલ હતો.
પોલિસ દ્વારા પીકઅપ વાહન પાસે જઈ વાહન ચેક કરતા પ્રથમ નજરે ડુંગળીના કટ્ટા જોવા મળેલ હતા. ત્યારબાદ કટ્ટા ઉપર નીચે કરી જોતા વાહન માંથી કુલ 43 પેટી દારૂની બિયર મળી આવેલ હતી જેમાં કુલ 1032 બિયરના ટીન હતા જેની આસરે કીમત 2,29,878 અને પીકઅપ વાહનની કીમત 5,00,000 મળી કુલ 7,29,878 નો મુદ્દામાલ જપ્ત કરી અજાણ્યા વાહન ચાલક વિરુદ્ધ ગુનો નોંધી આગળની તપાસ હાથ ધરેલ છે.
