કચ્છ જિલ્લામાં હવામાન વિભાગ દ્વારા રેડ એલર્ટ જાહેર થતાં સુરક્ષા એજન્સીઓ સતર્ક બની ગઈ છે. ખાસ કરીને દરિયાકાંઠાના વિસ્તારોમાં ચેતવણીને ધ્યાનમાં રાખીને માંડવી બીચ પર લોકોને ન જવા અપીલ કરવામાં આવી છે.
આજ સવારથી જ માંડવી બીચ પર પોલીસનો કાફલો તહેનાત કરવામાં આવ્યો છે અને બીચ પર આવતા લોકોને પરત મોકલી દેવામાં આવી રહ્યા છે. બીચની તમામ પ્રવૃત્તિઓ તાત્કાલિક અસરથી બંધ કરવામાં આવી છે જેથી કોઈ અનિચ્છનીય ઘટના ન બને.
દરિયાની લહેરો ઊંચી થવાની શક્યતા છે ત્યારે સલામતી અસરતળે બીચ સંપૂર્ણપણે બંધ રાખવામાં આવ્યો છે અને કોઈને પણ અંદર પ્રવેશવાની મંજૂરી આપવામાં આવશે નહીં.
સુરક્ષા તંત્ર દ્વારા નાગરિકોને અપીલ કરવામાં આવી છે કે દરિયાકાંઠા નજીક ન જાય અને સરકારી સૂચનાઓનું પાલન કરે.
