પંકજ પંડિત
ઝાલોદ તાલુકાના બંબેલા ગામના ચાર બાળકો જિલ્લા કક્ષાની ચક્રફેંક સ્પર્ધામા સુંદર પ્રદર્શન કરી ગામનું ગૌરવ વધારી નામ રોશન કરેલ છે. આદિવાસી સમાજ માંથી આવતા આ બાળકોએ ચક્રફેંક સ્પર્ધામા જિલ્લા લેવલે ઝળકતા આદિવાસી સમાજ, પરિવાર તેમજ સ્કૂલનુ નામ રોશન કરેલ છે. બંબેલા પ્રાથમિક શાળાની કન્યા મછાર સોનલબેન સુમેશભાઈ અંડર-14 માં બીજો ક્રમાંક, સરકારી પ્રાથમિક શાળાનો વિધાર્થી ગરાસીયા મનીષ શૈલેશ અંડર-14 માં પ્રથમ, લાછુણ પાયલ દિનેશ અંડર-17 માં પ્રથમ, આઈ.પી.મીશનના વિધાર્થી મછાર અજિત રમેશ અંડર-17 માં બીજો નંબર લાવી ગામનું નામ રોશન કરેલ છે.બે કન્યા અને બે કુમાર આમ કુલ ચાર બાળકોએ જેમાં બે બાળકોએ બીજો અને બે બાળકોએ પ્રથમ નંબર લાવતા પરિવારજનો અને શાળા પરિવાર દ્વારા ચારેય બાળકોને રાજ્ય લેવલે નંબર લાવવા શુભેચ્છાઓ પાઠવેલ છે. ગામના સરપંચ રેખાબેન લાછુણ સ્કૂલના શિક્ષકગણ , આચાર્યો તેમજ સ્કૂલ સ્ટાફ અને ચારેય બાળકોને અભિનંદન પાઠવ્યા હતા તેમજ બાળકો જિલ્લા લેવલ સુધી સમાજનું તેમજ ગામનું નામ રોશન કરે તેવી શુભકામનાઓ પાઠવી હતી.
