વડાપ્રધાન નરેન્દ્ર મોદી આગામી દિવસોમાં ગુજરાત પ્રવાસે આવી રહ્યા છે. વડાપ્રધાનના ગુજરાત પ્રવાસ પહેલા ગાંધીનગર કમલમ ખાતે મહત્વપૂર્ણ બેઠકનું આયોજન કરવામાં આવ્યું છે. આ બેઠક સોમવારના મળનાર છે. બેઠક પ્રદેશ ભાજપના પ્રમુખ સી.આર. પાટીલ તથા મુખ્યમંત્રી ભુપેન્દ્ર પટેલ અધ્યક્ષ સ્થાને યોજાશે.
ભાજપના તમામ ધારાસભ્યો, સાંસદો અને પક્ષના અગ્રણીઓને ઉપસ્થિત રહેવા માટે નિર્દેશ આપવામાં આવ્યો છે. સૂત્રોએ જણાવ્યુ છે કે, બેઠકમાં આગામી આયોજનો સાથે સાથે આગામી ચૂંટણીની તૈયારી, વિધાનસભાની કામગીરીની સમીક્ષા અને સંગઠનના વધારા અંગે ચર્ચા થશે.
