પંકજ પંડિત
ઝાલોદ નગરપાલિકાના ચીફ ઓફિસર તેમજ નગરપાલિકા પ્રમુખ દ્વારા થોડા દિવસ પહેલાં નગરમાં માઈક ફેરવી સરકાર દ્વારા પ્રતિબંધિત હોય તેવી થેલી ન વેચવા તેમજ ગ્રાહકોને તેવી થેલી ન આપવા વેપારીઓને અપીલ કરેલ હતી.
આજરોજ નગરપાલિકાના સેનેટરી ઈન્સ્પેક્ટર નગરપાલિકા કર્મચારીઓના સ્ટાફ સાથે હોલસેલમા થેલીઓ વેચતા હોય તેવા વ્યાપારીઓને ત્યાં ચેકિંગ હાથ ધરેલ હતું. તપાસ દરમ્યાન હોલસેલના વ્યાપાર કરતા દુકાનદારોની દુકાનો માંથી પ્રતિબંધિત પ્લાસ્ટીકની થેલીઓ મળી આવતા આ વ્યાપારીઓ પાસેથી થેલીઓ જપ્ત કરવામાં આવી હતી તેમજ આ વ્યાપારીઓને દંડ પણ ફટકારવામાં આવ્યો હતો અને હવે પછી થી આવી થેલી ન વેચવા કડક સૂચના પણ આપવામાં આપી હતી.
