પંકજ પંડિત
ઝાલોદ નગરના જી.ઈ.બી ઓફિસની સામેથી તારીખ 11-05-2025 ના રોજ અંદાજીત બપોરના 4:30 વાગે એક રીક્ષા GJ-20-W-8218 ત્રણ પેસેન્જર બેસાડી સુખસર રોડ તરફ જઈ રહેલ હતી તેવામાં એક મારુતિ અર્ટિગા GJ-20-AH-5329 સુખસર રોડ તરફ થી પુર ઝડપે આવી રીક્ષાને અડફેટે લીધી હતી. રિક્ષાને અડફેટે લેતા રીક્ષા પલ્ટી ખાઈ ગયેલ હતી. રિક્ષા પલ્ટી ખાઈ જતાં રીક્ષા ડ્રાઇવર તેમજ રીક્ષામાં બેસેલ ત્રણ પેસેન્જરોએ બૂમાબૂમ કરી મૂકેલ હતી જેથી ત્યાં થી પસાર થતા આવતા જતા વાહનો ઉભા રહી અકસ્માત થયેલ લોકોને રિક્ષા માંથી બહાર કાઢી 108 એમ્બ્યુલન્સ દ્વારા તમામ ઇજાગ્રસ્તોને તાત્કાલિક સારવાર માટે ઝાલોદ સબ ડીસ્ટ્રીક્ટ હોસ્પિટલ ખાતે સારવાર માટે લાવવામાં આવેલ હતા. બે મહિલા તેમજ બે પુરુષોને ઈજાઓ થતાં ઝાલોદ સબ ડીસ્ટ્રીક્ટ હોસ્પિટલ ખાતે તેઓને સારવાર કરવામાં આવી હતી. અકસ્માત સર્જી મારુતિ અર્ટિગાનો ડ્રાઇવર ગાડી મૂકી ફરાર થઈ ગયેલ હતો. આ અંગે ઝાલોદ પોલીસે અર્ટિગા ચાલક વિરૃધ્ધ ગુનો નોંધી આગળની તપાસ હાથ ધરેલ છે.
