દાહોદ : દાહોદ જિલ્લા ખાતે જિલ્લા વિકાસ અધિકારીશ્રી ઉત્સવ ગૌતમની પ્રેરક ઉપસ્થિતિમાં તેમજ મુખ્ય જિલ્લા આરોગ્ય અધિકારીશ્રી ડૉ. ઉદય ટીલાવત, એપેડેમીક મેડિકલ ઓફિસરશ્રી ડૉ.નયન જોષી અને તાલુકા આરોગ્ય અધિકારીશ્રી ડૉ.ભગીરથ બામણીયાના માર્ગદર્શન હેઠળ દાહોદ જિલ્લા ખાતે તમાકુ મુક્ત યુવા અભિયાન ૨.૦ (TYFC 2.0) કેમ્પેઈનનું શુભારંભ જિલ્લા વિકાસ અધિકારીશ્રી ઉત્સવ ગૌતમના વરદ હસ્તે ગારખાયા અર્બન હેલ્થ સેન્ટર-૧ ખાતેથી પ્રારમ્ભ કરવામા આવ્યો હતો.જિલ્લા વિકાસ અધિકારીશ્રી ઉત્સવ ગૌતમએ લીલી ઝંડી આપીને ગારખાયા અર્બન હેલ્થ સેન્ટર-૧ દાહોદ મુકામેથી રેલીને પ્રસ્થાન કરાવ્યુ હતુ. જે નિમિતે પ્રજાપતિ બ્રહ્માકુમારી વિશ્વ વિદ્યાલય સંસ્થા, ગાયત્રી પરિવાર, રાજ કૃપા નર્સિંગ સ્કૂલ સહિત આરોગ્ય વિભાગના તમામ અધિકારી/કર્મચારીઓએ રેલીમાં ભાગ લીધો હતો. આ રેલી દરમ્યાન સૂત્રોચાર, બેનર, હેન્ડ પેમ્પ્લેટ વગેરે દ્વારા જન જાગૃતિ માટેના પ્રયત્નો કરવામા આવ્યા હતા.
