પંકજ પંડિત
દાહોદ જિલ્લામા કાયદો વ્યવસ્થાની સ્થિતિ જળવાઈ રહે તે માટે મધ્યપ્રદેશ બોર્ડર તેમજ રાજસ્થાન બોર્ડર પર છુપા રસ્તાઓ પર થી ગેરકાયદેસર હથિયારોની હેરાફેરી રોકવા માટે દાહોદ એસ.ઓ.જી શાખાના પી.આઈ એસ.જી.રાણાના માર્ગદર્શન હેઠળ પો.સ.ઈ એમ.એમ.માળી પોલિસ કર્મચારીઓ સાથે લીમડી પોલિસ સ્ટેશન વિસ્તારમા પેટ્રોલીંગમા હતા ત્યારે બાતમીના આધારે લીમડી પોલીસે સ્ટેશન થી ચાકલીયા જતા રોડ ઉપર આવેલ હનુમાન મંદિર પાસે રણીયાર ગામનો પ્રહલાદ રમેશ કલારા પાસે ગેરકાયદેસર હથિયાર છે તેવું માલુમ પડતાં સ્થળ પર જઈ પોલિસ દ્વારા ઉપરોક્ત વ્યક્તિની અંગઝડતી કરતા તેના કમરના ભાગે પેન્ટમા ખોસી રાખેલ અંદાજીત 20,000 રૂપિયાનુ દેશી પિસ્ટલ મળી આવેલ હતું. આ અંગે લીમડી પોલિસ સ્ટેશનમા હથિયાર ધારાનો ગુનો નોંધી કાયદેસરની કાર્યવાહી હાથ ધરવામાં આવેલ છે.
