પંકજ પંડિત
ઝાલોદ તાલુકાના ચાકલીયા પોલિસ સ્ટેશનનો સ્ટાફ તારીખ 01-08-2025 ના રોજ રાત્રિના 11 વાગે નાઇટ પેટ્રોલીંગમા હતા ત્યારે ગુલતોરા ગામે રોડ ઉપર બિનવારસી કાળા કલરની ક્રેટા જેનો નંબર 23BH.2795.G ઉભી હતી. પોલિસને શંકા જતાં બિનવારસી પડેલ ગાડીને ચેક કરતા પ્લાસ્ટિકના થેલા પેક કરેલ હાલતમાં જોવા મળેલ હતા. પોલિસ દ્વારા વધુ ઝીણવટ થી થેલા ખોલી તપાસ કરવામાં આવતા થેલા માંથી અફીણ જીંડવા ( પોષડોડા ) નો જથ્થો મળી આવેલ હતો.પોલિસ દ્વારા ક્રેટા કારની ઝીણવટ તપાસ કરતા કાર માંથી 17 પોષડોડાના થેલા જેનું કુલ વજન 303.040 કિલો ગ્રામ જેની અંદાજિત કિંમત 9,09,120 મુદ્દામાલ તેમજ 5,00,000 ની ક્રેટા કાર મળી કુલ 14,09,120 નો મુદ્દામાલ જપ્ત કરવામાં આવ્યો હતો. ચાકલીયા પોલિસ દ્વારા ગાડીની વધુ તપાસ કરતા આ કાર માંથી અલગ અલગ નંબરો લખેલ વાહનોના રજિસ્ટ્રેશનની ચાર જેટલી નંબર પ્લેટો મળી આવેલ હતી. ચાકલીયા પોલિસ દ્વારા બિનવારસી હાલતમાં મળેલ કારના અજાણ્યા ચાલક વિરુદ્ધ ગુનો નોંધી આગળની તપાસ હાથ ધરેલ છે.
