પંકજ પંડિત
ઝાલોદ તાલુકાના કાળીગામ ગુર્જર અને ગુલતોરા પ્રાથમિક આરોગ્ય કેન્દ્ર ખાતે જન આરોગ્ય સમિતિની માસિક મીટિંગ યોજાઈ હતી જેમાં આરોગ્યલક્ષી સેવાઓ અને જરૂરી સાધન-સામગ્રી વિશે દાહોદ જિલ્લા પંચાયત સદસ્ય કૃષ્ણરાજ ભૂરીયાએ ચર્ચા કરી હતી. આ મીટિંગમાં માતા અને બાળ મૃત્યુદર ઘટાડવા,રાષ્ટ્રીય કિશોર સ્વાસ્થ્ય કાર્યક્રમની જાણકારી અને 100 ટકા પી.એમ.જે.વાય.,ટી.બી મુક્ત પંચાયતની વિસ્તૃત સમજણ આપવામાં આવી હતી. આ કાર્યક્રમમાં દાહોદ જિલ્લા પંચાયત સદસ્ય કૃષ્ણરાજ ભૂરીયા તાલુકા આરોગ્ય અધિકારી ડૉ.તુષારભાઇ ભાભોર,મેડીકલ ઓફિસર,કમિટીના સભ્યો અને પી.એચ.સી. સ્ટાફ હાજર રહ્યો હતો.
