પંકજ પંડિત ઝાલોદ.
ઝાલોદ નગરના પી.એસ.આઈ એમ.એમ.માળી અને સે.પી.એસ.આઇ સીસોદીયાની આગેવાની હેઠળ આગામી તારીખ 17-06-2024 સોમવારના રોજ આવનાર બકરી ઈદના તહેવારને અનુલક્ષીને પોલીસ સ્ટેશનમાં શાંતિ સમિતિની બેઠક યોજાઈ હતી. આવનાર તહેવારને અનુલક્ષીને નગરમાં શાંતિ તેમજ સામાજિક સમરસતા જળવાઈ રહે, કોઈ અનિચ્છનીય બનાવ ન બને તેની તકેદારી રાખવી તેમજ કોઈ પણ ગેરસમજ ફેલાવે તેવી અફવાઓ પર ધ્યાન ન આપવું તેમજ કોઈ પણ કાયદાકીય ગૂંચ કે સમસ્યા ઉત્પન્ન થાય ત્યારે તૈયારીમાં પોલીસનો સંપર્ક કરવો અને નગરમાં સંપૂર્ણ શાંતિ તેમજ હર્ષોલ્લાસ સાથે તહેવારની ઉજવણી કરો તેવી શુભેચ્છા પણ પાઠવવામાં આવી હતી.
