સંકેત પંડ્યા
વડોદરામાં પોલીસના ચુસ્ત બંદોબસ્ત વચ્ચે મુખ્યમંત્રી ભૂપેન્દ્ર પટેલની સુરક્ષામાં ચૂક થઈ હોવાનું સામે આવ્યું છે. કમાટીબાગમાં આયોજિત એક કાર્યક્રમ દરમિયાન મુખ્યમંત્રીના સ્ટેજ પાસે જ ડ્રોન ઉડતું જોવા મળતા પોલીસ દોડતી થઈ હતી. પોલીસે ડ્રોન કેમેરો જપ્ત કરીને 1 વ્યક્તિની અટકાયત કરી છે.
આ દરમિયાન CM ભૂપેન્દ્ર પટેલના સ્ટેજ પાસે અચાનક એક ડ્રોન પહોંચ્યું હતું. જે બાદ સુરક્ષા બંદોબસ્તમાં તૈનાત પોલીસ જવાનો દોડતા થયા હતા. આ પ્રકારની ખામી જોઈને બે ઘડી માટે ખુદ સીએમ ભૂપેન્દ્ર પટેલ પણ ડગાઈ ગયા હતા. જે બાદ પોલીસે ડ્રોન કેમેરો જપ્ત કરીને એક વ્યક્તિની અટકાયત કરી છે. આ ઘટના બાદ પોલીસ તંત્રની કામગીરી સામે સવાલો ઉભા થયા હતાં.
