પંકજ પંડિત
ઝાલોદ તાલુકાની અનેક સરકારી શાળાઓમાં પ્રવેશોત્સવ નો કાર્યક્રમ યોજાયો હતો. જેમાં આજે છાંસિયા પ્રાથમિક શાળા, મઘાનીસર મુખ્ય શાળા અને શ્રી માધ્યમિક શાળા મહુડીમાં પ્રવેશોત્સવનો કાર્યક્રમ યોજાયો હતો. આ કાર્યક્રમમાં મુખ્ય મહેમાન તરીકે ગામડી જિલ્લા પંચાયત સભ્ય શ્રીમતી સુમનબેન ડામોર, સી.આર.સી શ્રી સંજયભાઈ પટેલ, પૂર્વ ભાજપા પ્રમુખ શ્રી મુકેશભાઈ ડામોર તેમજ છાંસિયા સરપંચ મોહનભાઈ સુવર, મહુડી સરપંચ સુરમલભાઇ ગરાસીયા એ હાજરી આપી હતી. આ કાર્યક્રમનો મુખ્ય હેતુ બાળકોને શૈક્ષણિક કીટનું વિતરણ કરવું અને પર્યાવરણની જાળવણીનો હતો. કાર્યક્રમમાં શાળાના આચાર્ય, શિક્ષક ગણ અને શાળાનું ગૌરવ એવા નાના ભૂલકાઓની હાજરીથી કાર્યક્રમની રૂપરેખા શોભાયમાન થઈ હતી.ઉપરાંત મોટી સંખ્યામાં ગ્રામજનો પણ જોડાયા હતા.
