પંકજ પંડિત
ઝાલોદ તાલુકાની લીમડી પોલિસ આગામી ગ્રામ પંચાયતોની ચૂંટણી સંદર્ભે સતર્ક રહી હંગામી ચેક પોસ્ટ ઉભી કરી અસામાજિક પ્રવૃત્તિ કરતા ઇસમો પર વોચ રાખી રહેલ હતા ત્યારે કારઠ ગામ ત્રણ રસ્તા નજીક લીમડી પોલિસ વાહન ચેકીંગ કરી રહેલ હતી ત્યારે એક સફેદ કલરની ઈકો GJ-20-AQ-5391 આવી રહેલ હતી આ ગાડીના ચાલક દ્વારા પોલિસને દૂરથી જોઈ ગાડી વળાવી નાસી છૂટવાનો પ્રયત્ન કરતા લીમડી પોલિસને શંકા જતા લીમડી પોલિસ દ્વારા ગાડીનો પીછો કરી આ ગાડી કારઠ રોડ થી કંબોઈ ગામ થઈ લીમડી દાહોદ રોડ પર દાહોદ તરફ જતા પોલિસ દ્વારા રૂખડી ગામ પાસે થી ગાડી રોકી તેની અટકાયત કરી તેની તલાસી લેતા તેમાં વિદેશી દારૂ જોવા મળ્યો હતો.
પોલિસ દ્વારા ઈકો ગાડીના ચાલક રાજેશ મનસુખ ચારેલ ( ગુલતોરા, ઝાલોદ) ની અટકાયત કરી હતી પોલિસે સધન પુછપરછ કરાતા આ ગાડી તેના ભાઇ નિલેશ ચારેલની હોવાનું કબૂલ કર્યું હતું તેમજ આ ગાડીમાં પડેલ વિદેશી દારૂ છાયણ ગામના બાબુ નીનામાં એ ભરી આપેલ હતો તેમજ આ વિદેશી દારૂ રૂખડી ગામે સબ જેલની પાછળ કોઈ વ્યક્તિ લેવા આવનાર હોવાનું કબૂલ કરેલ હતું. પોલિસ દ્વારા કાયદેસરની કાર્યવાહી કરતા ઈકો ગાડી માંથી બિયરની 14 પેટી જેમાં કુલ 360 ટીન જેની અંદાજિત કિંમત 44040 તેમજ ઈકો ગાડી 5,00,000 અને એક મોબાઇલ 500 થઈ કુલ 5,44,540 રૂપિયાનો મુદ્દામાલ ઝડપી આગળની કાયદેસરની કાર્યવાહી હાથ ધરેલ છે.
