પંકજ પંડિત
આજરોજ 03-02-2025 સોમવારના રોજ ઝાલોદ નગરપાલિકાની ચૂંટણી સંદર્ભે 162 ઉમેદવારોએ ફોર્મ ભરેલ હતા ત્યારે ચૂંટણી ફોર્મની ફોર્મ ચકાસણી ઝાલોદ ચૂંટણી અધિકારી એ.કે.ભાટીયા દ્વારા 33 ઉમેદવારોના ફોર્મ અમાન્ય કર્યા હતા તેમજ 129 ઉમેદવારોના ફોર્મ માન્ય રાખવામાં આવ્યા હતા.
નગરપાલિકાની ચૂંટણીમાં કુલ 7 વોર્ડ માટે 28 ઉમેદવારો માટે 162 ઉમેદવારોએ ચૂંટણી જંગમાં ઝંપલાવ્યું હતું તેમાંથી વોર્ડ નંબર 1 માંથી 35 ઉમેદવારોએ ફોર્મ ભરેલ હતા તેમાંથી 25 માન્ય અને 10 અમાન્ય, વોર્ડ નંબર 2 માં 27 ઉમેદવારો પૈકી 23 માન્ય 4 અમાન્ય, વોર્ડ નંબર 3 માં 23 ઉમેદવારો પૈકી 17 માન્ય 6 અમાન્ય, વોર્ડ નંબર 4 માં 20 ઉમેદવારો પૈકી 16 માન્ય 4 અમાન્ય, વોર્ડ નંબર 5 માં 19 ઉમેદવારો પૈકી 15 માન્ય 4 અમાન્ય, વોર્ડ નંબર 6 માં 31 ઉમેદવારો પૈકી 27 માન્ય 4 અમાન્ય, વોર્ડ નંબર 7 માં 7 ઉમેદવારો પૈકી 6 માન્ય અને 1 અમાન્ય ઠેરવવામાં આવ્યા હતા. હવે તારીખ 04-02-2025 ના રોજ ઉમેદવારોને ફોર્મ ખેંચવાનો છેલ્લો દિવસ હોવાથી કેટલા ઉમેદવારો ફોર્મ ખેંચે છે અને કેટલા ઉમેદવારો કોના સામે સામ સામે ટકરાશે તે જોવું રહ્યું.
