આજે પીએમ મોદીના માતાનું નિધન થયું છે. હીરાબેનના મૃત્યુ બાદ તેમના પડોશીઓએ તેમને યાદ કર્યા છે. પડોશીઓએ જણાવ્યું કે તે ખૂબ જ નમ્ર અને સરળ મહિલા હતી. ગાંધીનગરના રાયસણ ગામમાં વૃંદાવન બંગલો-2 સોસાયટીના રહેવાસીઓ માટે વડાપ્રધાન નરેન્દ્ર મોદીના માતા હીરાબેન સાદગીના પ્રતિક હતા અને હંમેશા લાઈમલાઈટથી દૂર રહેતા હતા. હીરાબેનનું શુક્રવારે સવારે અમદાવાદની હોસ્પિટલમાં નિધન થયું હતું. તે ગાંધીનગર રાયસણમાં વડાપ્રધાન મોદીના નાના ભાઈ પંકજ મોદી સાથે રહેતા હતા.
હીરાબેનના પાડોશીઓ થયા ભાવુક
હીરાબાના પાડોશીઓના કહેવા મુજબ તે બધા સાથે ભળી જતા અને તમામ તહેવારોમાં ભાગ લેતા. તેમના એક મહિલા પાડોશી કહ્યું કે, હીરા બા અહીં લગભગ સાત વર્ષથી રહેતાં હતાં અને અમે તેમને લગભગ રોજ મળતાં હતાં. તે ખૂબ જ નમ્ર અને સરળ મહિલા હતા અને મને અંગત રીતે લાગે છે કે આજે મેં મારી માતા ગુમાવ્યા છે. તેમણે હંમેશા અમને બધાને ઘણો પ્રેમ આપ્યો. હીરા બા પરિવારના સભ્ય જેવા હતા.
વડાપ્રધાનની માતા હોવા છતાં હીરા બા સામાન્ય માણસની જેમ રહેતા
વડનગરમાં પડોશીઓએ જણાવ્યું હતું કે હીરા બા પરિવારના સભ્ય જેવા હતા અને અહીંના સમાજમાં રહેતા દરેક સાથે સૌહાર્દપૂર્ણ સંબંધો ધરાવતા હતા. તેમના પાડોશીઓએ વધુમાં જણાવ્યું હતું કે, વડાપ્રધાનની માતા હોવા છતાં હીરા બા સામાન્ય માણસની જેમ રહેતા હતા. તેમણે કહ્યું, તે હંમેશા સાદગીભર્યા જીવનમાં માનતા હતા અને દરેક સાથે ભળી જતા હતા. તે તમામ તહેવારોમાં ભાગ લેતા હતા. હીરા બા રહેવાસીઓને ગરીબો પ્રત્યે દયાળુ બનવા વિનંતી કરતા.
તેમના જવાથી સમગ્ર સમાજ શોકમાં
સોસાયટીના પ્રમુખ હસમુખ પટેલે જણાવ્યું હતું કે હિરા બા અહીં રહેતા હતા તે તમામ રહેવાસીઓ માટે ગર્વની વાત છે. તેમણે કહ્યું, માત્ર હું જ નહીં, આખો સમાજ આજે ખૂબ જ દુઃખી છે. અમને બધાને ગર્વ છે કે અમને હીરા બા સાથે રહેવાની તક મળી. તેમણે હંમેશા અમને બધાને તેમનો પ્રેમ આપ્યો છે.
