પોરબંદર જિલ્લામાં આગામી ૩૧ ડિસેમ્બરના તહેવારની વિના વિધ્ને અને શાંતિપૂર્વક ઉજવણી થાય તે માટે જિલ્લા પોલીસ વડા ડો. રવિ મોહન સૈનીના નેતૃત્વ હેઠળ પોરબંદર પોલીસ દ્વારા અત્યારથી જ તમામ તકેદારીના પગલા લેવામાં આવી રહ્યાં છે. પોલીસ દ્વારા ગઇ કાલેજ ૧૧ ચેકપોસ્ટ, સીસી ટીવી દ્વારા વોચીંગ, બાઇક પેટ્રોલીંગ સહિતની તૈયારીઓની જાહેરાત કરી દેવામાં આવ્યા બાદ થર્ટી ફર્સ્ટ ડિસેમ્બર પહેલા વાહન ચેકીંગ ડ્રાઇવનો પ્રારંભ કરવામાં આવ્યો છે. પોરબંદર જિલ્લામાં આગામી ૩૧ ડિસેમ્બરના તહેવારની વિના વિધ્ને અને શાંતિપૂર્વક ઉજવણી થાય તે માટે જિલ્લા પોલીસ વડા ડો. રવિ મોહન સૈનીના નેતૃત્વ હેઠળ પોરબંદર પોલીસ દ્વારા અત્યારથી જ તમામ તકેદારીના પગલા લેવામાં આવી રહ્યાં છે.ગઇ કાલે તા.ર૮ ડિસેમ્બરના રોજ શહેર તથા જિલ્લાના વિવિધ પોલીસ સ્ટેશન હેઠળના વિસ્તારોમાં પોલીસ દ્વારા સઘન વાહન ચેકીંગ કરવામાં આવ્્યું હતું. દારૂ પીધેલા કે નશો કરેલી હાલતમાં જણાતા શખ્સોનું બ્રિથ એનેલાઇઝર દ્વારા ચેકીંગ કરવામાં આવ્યું હતું. આ ઉપરાંત ટ્રાફિક નિયમનો ભંગ કરતા શખ્સો સામે પણ કાયદેસરની કાર્યવાહી કરવામાં આવી હતી. પોલીસ દ્વારા ૩૧ ડિસેમ્બર સુધી આ પ્રકારે ચેકીંગ ડ્રાઇવ ચાલુ રાખવામાં આવશે.
