પંકજ પંડિત
દાહોદ જિલ્લા એગ્રી ઇનપુટ ડીલર એસોસિએશન દ્વારા જિલ્લા નાયબ ખેતી નિયામક(વિસ્તરણ)ને ગુરુવારના રોજ આવેદન આપવામાં આવેલ જેમાં યુરિયા સાથે બિનજરૂરી નેનો ડીએપી,નેનો યુરિયા, એનપીકે, એએસ, નર્મદા ફોસ તેમજ IPL નું પોલીહેલાઇટ જેવી પ્રોડક્ટ જેનો દાહોદ જિલ્લામાં વપરાશ ખુબજ ઓછો થાય છેતેમ છતાં લાયસન્સ ધારક વિક્રેતાઓને આપવામાં આવતા આર્થિક બોજો વિક્રેતા ઉપર પડી રહેલ છે. યુરિયા સાથે આવતી બીજી પ્રોડક્ટ ખેડૂતને ના જોઈતી હોય તોહ પણ વિક્રેતાને કંપનીઓ તેમજ નિગમ ફેડરેશન દ્વારા આપવામાં આવતા યુરિયા સાથે આપવી પડતી હોય છે જેથી ખેડૂત અને વિક્રેતા સાથે ઘર્ષણ થાય છે અને યુરિયાના વધુ ભાવ લે છે તેવા આક્ષેપો થાય છે જેથી કરીને વિક્રેતાઓના માન પ્રતિષ્ઠા ખરડાય છે જે અંતર્ગત ગુરુવારના રોજ નાયબ ખેતી નિયામક વિસ્તારને આવેદન આપવામાં આવેલ અને જો ટેગિંગ બંધ ના થાય તોહ લાયસન્સ વિક્રેતા યુરિયા સાથે બિનજરૂરી પ્રોડક્ટ આવશે તોહ યુરિયાનો સ્વીકાર કરશે નહીં તેવું જણાવેલ.આ આવેદન રાસાયણિક ખાતર યુરિયા સાથે અન્ય પ્રોડક્ટનું ટેગિંગ ન થાય તે બાબતે દાહોદ જિલ્લા ખાતર એસોસિએશન દ્વારા નાયબ ખેતી નિયામક(વિસ્તરણ)ને આપવામાં આવેલ.
