સંકેત પંડ્યા – એડિટર
ગુજરાતમાં ન્યાયતંત્રના માળખાને મજબૂત કરવા રૂ. 565 કરોડના પ્રોજેક્ટનું ઈ-લોન્ચ
ગુજરાતના ન્યાયતંત્રના વિવિધ પ્રોજેક્ટના ઈ-લોન્ચ પ્રસંગે મુખ્યમંત્રી ભૂપેન્દ્ર પટેલે જણાવ્યું હતું કે દેશના વડાપ્રધાન નરેન્દ્રભાઈ મોદીએ છેલ્લા બે દાયકામાં ગુજરાતમાં વિકાસનો મજબૂત પાયો નાખ્યો છે. આજે લોકોનો ન્યાયતંત્રમાં વિશ્વાસ વધ્યો છે. સાથે જ લોકોને સરકારમાં પણ વિશ્વાસ છે અને સરકાર પણ એ જ વિશ્વાસ સાથે કામ કરી રહી છે. વિકાસમાં ન્યાયતંત્ર પણ મોટી ભૂમિકા ભજવે છે. કોર્ટના નિર્ણયથી લોકોના જીવનમાં પરિવર્તન આવે છે. મોટી જવાબદારી સાથે ન્યાયતંત્ર કાર્યરત છે.
તમામ મહાનુભાવોની હાજરીમાં કુલ 41 સ્થળોએ 6 કોર્ટ સંકુલના નવા બિલ્ડીંગોનું લોકાર્પણ, 6 કોર્ટ સંકુલના બિલ્ડીંગોનું લોકાર્પણ, તાલુકા કક્ષાએ 14 નવી કોર્ટ બિલ્ડીંગોનું લોકાર્પણ, 15 સ્થળોએ સ્ટાફ આવાસોને સમર્પિત કરાયા હતા
ગુજરાત હાઈકોર્ટ ઓડિટોરિયમ ખાતે આયોજિત આ ઈ-લોન્ચ-ખાતમુહૂર્ત પ્રસંગે સુપ્રીમ કોર્ટના જસ્ટિસ એમ.આર.શાહ, ગુજરાત હાઈકોર્ટના ચીફ જસ્ટિસ અરવિંદ કુમાર, કાયદા મંત્રી રાજેન્દ્ર ત્રિવેદી ઉપસ્થિત રહ્યા હતા. રાજ્યના વિવિધ જિલ્લાઓ, તાલુકાઓના 41 સ્થળોના મહાનુભાવોએ વર્ચ્યુઅલ માધ્યમથી કાર્યક્રમમાં ભાગ લીધો હતો.
આ પ્રસંગે પર્યાવરણની જાળવણીની સરાહના કરતાં મુખ્યમંત્રીએ વધુમાં જણાવ્યું હતું કે, વડાપ્રધાન નરેન્દ્રભાઇ મોદીના માર્ગદર્શન હેઠળ ગુજરાતે પર્યાવરણની જાળવણી સાથે પ્રગતિનો મંત્ર અપનાવ્યો છે. ગુજરાતનું ન્યાયતંત્ર પણ તે દિશામાં કામ કરી રહ્યું છે.દરેક તાલુકા કોર્ટ સંકુલમાં પણ 2000 વૃક્ષો વાવવામાં આવ્યા છે. જે ખુબ જ આનંદની વાત છે. તેમણે કહ્યું કે વિકાસની સાથે પર્યાવરણનું રક્ષણ કરવું પણ જરૂરી છે. તાજેતરમાં વડાપ્રધાન નરેન્દ્રભાઈ મોદીએ મિશન લાઈફ ગ્લોબલ લોન્ચ કર્યું છે. તેથી, ઇકો-ફ્રેન્ડલી કાર્ય શૈલી વિકસાવવી એ ખૂબ જ સારી બાબત છે. તેણે ઉમેર્યુ.
મુખ્યમંત્રીએ વધુમાં જણાવ્યું હતું કે, વિડીયો કોન્ફરન્સીંગ દ્વારા કોરોનાના કપરા સમયમાં પણ ન્યાયતંત્રનું કામ ચાલુ હોવાથી આપણા ન્યાયતંત્રનું ગૌરવ અને સન્માન વધ્યું છે. તેમણે ન્યાયતંત્રની કડક દેખરેખ હેઠળ ઉત્તમ માળખાકીય સુવિધાઓ સાથે સુવિકસિત, સુરક્ષિત રાજ્ય તરીકે ગુજરાતની છબીને ઉન્નત કરવા પણ વિનંતી કરી હતી.
