સંકેત પંડ્યા – એડિટર
લાંચ લેવાની નવી તકનિક સામે તમને પણ આશ્ચર્ય થશે. ખેતરમાં વીજ કનેક્શન માટે મહિલા તલાટી નિતા પટેલે ₹ 1 લાખ માંગ્યા હતા અને લાંચનાં નાણાં આંગડિયાથી ગાંધીનગર મંગાવ્યાં, પણ એ ભૂલી ગયા કે પોલીસ તમારા કરતાં પણ વધારે હોશિયાર છે.આખરે સુરત ACBના છટકામાં ભેરવાઈ ગયાં.
લાંચની માંગણીની રકમ : રૂપિયા ૧,૦૦,૦૦૦/-
લાંચની સ્વીકારેલ રકમ : રૂપિયા ૧,૦૦,૦૦૦/-
લાંચની રીકવર કરેલ રકમ : રૂપિયા ૧,૦૦,૦૦૦/-
નર્મદા જીલ્લાના નાંદોદ તાલુકાના નરખડી ગામમાં ખેતીની જમીન આવેલી છે. જે જમીનની દેખરેખ અને જમીનને લગતા અન્ય કામગીરી ફરીયાદી સંભાળે છે. ખેતીની જમીનમાં ખેતીને લગતા બીયારણ, ખાતર વિગેરે સરસામાન મુકવા તેમજ મજુરોને રહેવા માટે પતરાના શેડવાળી ઓરડીઓ બનાવેલ, જેમાં વિજ મીટરની જરુરીયાત હોવાથી નરખડી ગ્રામપંચાયતમાં ઘર નંબર ફાળવવા અને જરૂરી મંજુરી મેળવવા અરજી કરેલ હતી.
નર્મદાના નાંદોદ તાલુકાના નરખડીના તલાટી નીતા પટેલ 1 લાખની લાંચ લેતા રંગે હાથ ઝડપાયા છે. તલાટી નીતા પટેલ અને તેમના સહયોગી મહેશભાઈ આહજોલિયા બંને આરોપીઓને ડિટેઈન કરી આગળની કાર્યવાહી હાથ ધરી છે. સરકારી બાબુઓ પણ હવે હાઈટેક થયા છે. સીધી રીતે તેઓ લાંચ સ્વીકારવામાં ભેરવાઈ જશે તેવા ડરથી અવનવા પેંતરાઓ અપનાવી રહ્યા છે. સુરત ACBની ટીમે આવી જ નવી મોડેસ ઓપરેન્ડીથી લાંચ લેનાર મહિલા સરકારી અધિકારીને ઝડપી પાડી છે.
