પંકજ પંડિત
ઝાલોદ ગેસ્ટ હાઉસો પર ચેકીંગ, બસ સ્ટેશન વિસ્તારમાં ચેકીંગ તેમજ રાત્રી દરમ્યાન શંકાસ્પદ લોકોની પૂછપરછ પણ કરાઈનવી દિલ્હી લાલ કિલ્લા મેટ્રો સ્ટેશન નજીક એક કારમાં થયેલા ભયાનક વિસ્ફોટની ઘટના થી આખા દેશમાં ખળભળાટ મચી ગયેલ છે. દેશવ્યાપી એલર્ટના પગલે દાહોદ જિલ્લા પોલીસ પણ એલર્ટ મોડ પર જોવા મળેલ હતી.દાહોદ જિલ્લા પોલીસના ઝાલોદ ડિવિઝનના ડી.વાય.એસ.પી ડી.આર.પટેલ દ્વારા પી.આઈ તેમજ પી.એસ.આઈ તેમજ અન્ય પોલીસ સ્ટાફ સાથે રાખી મધ્યપ્રદેશની ચાકલીયા તેમજ રાજસ્થાનની ધાવડીયા ચેક પોસ્ટ પર સધન ચેકીંગ હાથ ધરવામાં આવ્યું હતું. પોલીસ દ્વારા હોટલ ઢાબા, ગેસ્ટ હાઉસ, બસ સ્ટેશન, મંદિર વિસ્તારોમાં અગત્યની ચોકડીઓ પર આવતા જતા વાહનો પર ચેકીંગ હાથ ધરી આઈ કાર્ડ પણ ચેક કરવામાં આવી રહેલ હતા તેમજ ક્યાંથી આવી રહેલ છે ,ક્યાં જાય છે જેવા પ્રશ્નો પણ પૂછવામાં આવી રહેલ હતા. પોલીસ દ્વારા હાલ દરેક વિસ્તારોમાં શંકાસ્પદ લાગતા વ્યક્તિઓ પર સતત નજર રાખી તેઓ પાસે રહેણાંકના દસ્તાવેજી પુરાવાઓ અને તેઓની ગતિવિધિઓ પર સતત નજર રાખી રહેલ છે.ઝાલોદ પોલીસ દ્વારા રાત્રી દરમ્યાન ઝિણવટભરી તપાસ આદરી હતી તેને લઈ નગરજનો એ પણ દિલ્હી બ્લાસ્ટને લઈ પોલીસની કામગીરીને બિરદાવી હતી. તેમજ દિલ્હી બ્લાસ્ટ કરનાર આરોપીઓને ઝડપી થી પકડી પાડી મૃતક થયેલ ન્યાય મળે તેવી પણ માંગ કરવામાં આવી રહેલ છે.
