પંકજ પંડિત
ઝાલોદ તાલુકામાં 22-05-2025 ગુરૃવારના રોજ અંદાજીત રાત્રીના 10 કલાક પછી વાવાઝોડા સાથે વરસાદ પડેલ હતો. નગરમાં વાવાઝોડું આવતા આખા નગરમાં તુરંત અંધારપટ છવાયો હતો. ત્યારબાદ અંદાજીત રાત્રીના 12 વાગ્યે અમુક વિસ્તારોમાં લાઇટ આવી ગયેલ હતું જ્યારે અમુક વિસ્તારોમાં રાત્રી દરમ્યાન આવેલ વાવાઝોડા સાથેના વરસાદમાં ઝાડ તેમજ લાઇટના થાંભલા પડી જતાં તે વિસ્તારોમાં રાત્રી દરમ્યાન લાઇટ આવેલ ન હતું. હાલ નગરમાં ચાલતા કમૌસમી વરસાદને લઈ નગરમાં ડબલ ઋતુનો સામનો કરવો પડી રહેલ છે.
