ઝાલોદ નગરપાલિકાને આજરોજ તારીખ 11-11-2024 ના રોજ એમ.જી.વી.સી.એલ કચેરી દ્વારા 1,95,21,685.48 રૂપિયાનું બિલ પંદર દિવસમાં ભરી દેવા માટે નોટિસ ફટકારવામાં આવેલ છે. આ બિલમાં વૉટર વર્કસના 1,58,83,517.86 રૂપિયા, એન.આર. જી ઓફિસનું 70,875 રૂપિયા, સ્ટ્રીટ લાઇટનુ 35,67,292.62 રૂપિયા બાકી છે.એમ.જી.વી.સી.એલ કચેરી દ્વારા આ બધી રકમ 15 દિવસમાં ભરી દેવા માટે નગરપાલિકાને નોટિસ ફટકારેલ છે. જો મુદત દરમ્યાન નગરપાલિકા લાઇટ બિલ નહીં ભરે તો આવનાર સમયમાં નગરમા અંધારપટ છવાઈ જવાની શક્યતા જોવા મળી રહેલ છે.
