સંકેત પંડ્યા – એડિટર
ચૂંટણી પ્રક્રીયાને જોતા આજે રીઝલ્ટ જાહેર થયું છે. ત્યારે ભાજપ પ્રચંડ બહુમતી નોંધાવી રહી છે. ત્યારે પંચમહાલની તમામ બેઠકો પર ભાજપે ભગવો લહેરાવ્યો છે. તેમાં પણ તાજેતરમાં જ એક વીડિયો વાયરલ થયો હતો તેવા કાલોલના ફતેસિંહ ચૌહાણે એક લાખની લીડથી જીત મેળવી છે. તેમના વાયરલ વીડિયોને લઈને ભારે વિવાદ થયો હતો.
પંચમહાલની તમામ બેઠકો પર ભાજપનો વિજય થયો છે. કાલોલ બેઠક પરથી ભાજપના ઉમેદવાર ફતેસિંહ ચૌહાણ એક લાખની લીડથી જીત્યા છે. હાલોલમાંથી ભાજપના ઉમેદવાર 42 હજારની લીડથી જીત્યા છે. પંચમહાલમાં પાંચમાંથી ત્રણ બેઠકો પર ભાજપનો વિજય થયો છે. બે બેઠકો પર ભાજપના ઉમેદવારો આગલ ચાલી રહ્યા છે.
શેહરામાં ભાજપના ઉમેદવાર જેઠા ભરવાડની જીત થઈ છે. મોરવા હડફ બેઠક પરથી ભાજપના ઉમેદવાર 40 હજારની સરસાઈથી જીત્યા છે. ગોધરા બેઠક પરથી ભાજપના ઉમેદવાર સીકે રાઉલ 35 હજારની લીડથી જીત્યા છે. મોરવા હડફ બેઠક પર ફરી એકવાર ભાજપના ઉમેદવાર વિજયના માર્ગે જોવા મળી રહ્યા છે. મોરવા હડફ બેઠક પર 14માં રાઉન્ડ બાદ ભાજપ 30 હજાર મતોથી આગળ છે.
કલોલ બેઠક પર આઠ રાઉન્ડ બાદ ભાજપના ફતેસિંહ ચૌહાણ સતત આગળ ચાલતા જોવા મળ્યા હતા અંતિમ રાઉન્ડમાં તેમની જીત દર્જ થઈ છે. શહેરા સીટ પર જેઠા ભરવાડ 15 રાઉન્ડ બાદ ભાજપ 35 હજાર વોટથી આગળ છે. ગોધરા બેઠક પર 13મા રાઉન્ડ બાદ ભાજપના સીકે રાઉલ આગળ સતત જીત તરફ જોવા મળ્યા હતા. આમ એક પછી એક રાઉન્ડ પાર થઈ રહ્યા છે ત્યારે ભાજપના ઉમેદવારો જીત તરફ દોરાતા જોવા મળી રહ્યા છે.
