પંકજ પંડિત
ચાકલીયા પોલીસ સ્ટેશનના પોલીસ ઇન્સ્પેક્ટર એસ.વી.વસાવાની સૂચના મુજબ પોલીસ સ્ટાફના માણસોએ પેટ્રોલિંગ દરમિયાન મળેલ બાતમીના આધારે મલવાસી ગામના સૂનામાળમાંથી એક લાલ કલરની GJ.20.A.4979 નંબરની ઝાયલો ગાડીમાંથી ભારતીય બનાવટની ઇંગ્લિશ દારૂ અને ટીન બિયરની 26 પેટીઓ ઝડપી પાડી છે.પોલીસે રૂ.1,11,360 ની કિંમતની વિદેશી દારૂ ટીન બિયરની 840 બોટલો અને ઝાયલો ગાડી સહિત કુલ રૂ.5,11,360 નો મુદ્દામાલ કબજે કર્યો છે. જોકે, દારૂની ખેપ લઈ જનાર ઝાયલો ગાડીનો ચાલક નાસી જતા પોલીસે તેના વિરુદ્ધ ગુનો નોંધી આગળની કાર્યવાહી હાથ ધરી છે.
